Hră lăi pơthâo mơ̆ng Ding jum Gru grua, Pơrơguăt drơi jăn hăng Tuai čuă ngui brơi thâo, ră anai, đơ đam dêh čar ta hơmâo rơbêh 40.000 anih gru grua, kông ngăn đưm giăm 70.000 mơta gơnam gru grua kông ngăn bơngăt jua hơmâo čih pioh laih. Amăng anun, 37 mơta kông ngăn gru grua dưi hơmâo anom bruă UNESCO čih pơsit pioh jing gơnam gru grua kông ngăn mơnuih mơnam lŏn tơnah.

Pơhiăp ƀơi mông jơnum, Khua ping gah, khua mir sir pơtrun hiăp anom bruă gru grua khom lăng tong ten tơpă ară kơ bruă dăp glăi, pơsir djơ̆ hnơ̆ng anŏ aka ƀu gêh găl, laih dơ̆ng khom čih pioh, hơduah ĕp lu hloh kông ngăn, gơnam gru grua đưm djuai ania, dêh čar, kơnang kơ tơlơi phiăn ngă tui ĕp ba glăi kông ngăn đưm dêh čar, arăng ba pơđuăi hyu truh pơ tač rơngiao laih anun pơhrua nao tơlơi kơƀah gru grua čih glăi gru phun amăng dêh čar, anŏ pơđĭ kyar lŏn ia ta rơbêh 80 thun rơgao. Biă mă ñu, Khua ping gah, khua mir sir lăi pơtong tơlơi gơgrong ba mơ̆ng čơđai rơnuk anai ƀu kơnong pơgang pioh gơnam kông ngăn gru grua mơ̆ng ƀing ơi yă đưm hlâo đôč ôh, dŏ pơjing bruă ngă thâo pơčeh phrâo răk lui hơdôm ia rơgơi tơlơi čăng pioh amăng lŏn ia; akŏ pơjing tơhnal pơkă, pơtong glăi “anŏ gêh găl kông ngăn gru grua” mơ̆ng bruă pơkă hnơ̆ng man pơdong tuh pơ alin hăng ngă hră “hơdor pioh” brơi djop ring bruă ba gru kiăng dŏ djă pioh djop rơnoh yom gru grua sui thun pơ anăp adih.