Mơguah kơnôl 20/8, Khua ping gah, Khua mir sir ơi Tô Lâm ngă bruă hăng Khul pơphô bruă Ping gah kơ Akŏ bruă  tum pơƀut 5 thun ngă tui Hră pơtrun mrô 28 mơ̆ng Khul khua apăn bruă ping gah dêh čar tal 13, kơ pơplih phrâo jơlan gah git gai wai lăng, ngă akŏ mơ̆ng Ping gah hăng abih bang anom bruă kơđi čar amăng rơnuk phrâo.

Tơdơi kơ hmư̆ tơlơi lăi pơthâo glăi hăng pơtum djŏp tơlơi pơgôp hiăp, Khua ping gah, Khua mir sir ơi Tô Lâm kiăng Khul pơphô bruă Ping gah pơsit hrom tơlơi pơmin gah anŏ yom, tơlơi gơñăm nao, tơlơi kiăng mơ̆ng Akŏ bruă. Anai jing bruă kơđi čar yom biă kơ akŏ pơjing Ping gah hăng khul grup kơđi čar; tơlơi anăp nao ƀu kơnong čih pơgiong hră pơthâo glăi ƀudah hơmâo thim hră pơtrun đôč ôh, anun lĕ khŏm thâo rơđah djŏp bruă glăk pơgăn boh tŭ yua mơ̆ng bruă git gai wai lăng, ngă akŏ, mơ̆ng anun ba tơbiă jơlan hơdră ngă bruă pơplih phrâo amăng rơwang bruă phrâo. Khua ping gah, Khua mir sir ơi Tô Lâm lăi pơtŏng, pơplih jơlan gah git gai ngă akŏ ƀu ngă plih hĭ phun tơhnal, tơlơi phiăn, jơlan gah git gai phun atur mơ̆ng Ping gah ôh, anun lĕ ngă brơi tơlơi git gai djơ̆, tơpă, gêh găl, dưi ngă khua pô, krăp lăng tong ten hăng tŭ yua hloh. Laih dong, kiăng djơ̆ hrŏm ha amăng plĕ tơlơi pơmin, bruă mă git gai, ngă akŏ; ngă tui djơ̆ tơlơi pơkă “Ping gah git gai, Kơnuk kơna wai lăng, Mơnuih ƀôn sang ngă pô”./.