Pơhiăp ƀơi mông ngă bruă, Khua ping gah, Khua mir sir ơi Tô Lâm kiăng Sang hră Kơđi čar dêh čar Hồ Chí Minh pơtŏng glăi djơ̆ bruă hơmâo ngă, lăng tơphă ƀơi hơdôm bruă aka ƀu dưi ngă laih anun thâo rơđah hơdôm bruă kiăng ngă mơ̆ng Sang hră, laih dong kiăng pơsit rơđah anŏ yom, gơgrong bruă, hăng tơlơi kiăng pơđĭ tui Sang hră kơsem min amăng thun blan pơ anăp.

Khua ping gah, Khua mir sir kiăng Sang hră khŏm pơplih ha amăng plĕ hơdră mă bruă, pơplih rơđah anŏ klă hăng boh tŭ yua. Hăng pran jua mă bruă djơ anun, Khua ping gah, Khua mir sir hơmâo 5 tơlơi kiăng ngă hăng Sang hră; amăng anun kiăng kơsem min tơlơi pơtô djơ̆, klah čun glăi bruă hơmâo, pơtô brơi hơdră ngă bruă prong, pơplih phrâo laih anun pơgang ba phun atur tơlơi pơmin mơ̆ng Ping gah; laih dong khŏm pơplih mơ̆ng atur, pơtô pơjuăt klă abih bang hlom bom tui jơlan gah pơđĭ tui gơnam pơkra rai hăng tơlơi rơgơi mơ̆ng ƀing khua. Khua ping gah, Khua mir sir lăi, Sang hră khŏm jing anih rim čô khua lơ̆m tơbiă mơ̆ng sang hră pơtô bruă Ping gah khŏm kjăp hloh kơ tơlơi pơmin, tơlơi rơgơi, gơgrong bruă, ngă bruă klă hloh yua kơ Ping gah, yua kơ lŏn ia, yua kơ mơnuih ƀôn sang./.