Kơ-iăng khua dêh čar yă Phạm Thị Thanh Trà lăi pơtong, jơlan hơdră mơ̆ng Ping gah, Kơnuk kơna Việt Nam đing nao hlâo hloh bruă pơđĭ tui ngă giăng mah hăng dêh čar Khač amăng abih bang jơlan hơdră pơtom hiăp hăng lăi pơtong, amăng mông tơlơi pơhing ƀơi jar kmar, amăng kual hơmâo lu tơlơi lŭk pŭk, tơnap tap ƀu dưi thâo hlâo ôh, dua bơnah kiăng pok pơhai tŭ yua hloh tơlơi pơčrong sai tŭ ư hrŏm khua mua pơprong mơ̆ng dua bơnah ping gah, dua bơnah kơnuk kơna, ƀu pơdơi ôh ngă kơjăp hloh, pơđĭ tui bruă rô nao rai dua bơnah, biă mă ƀu amăng bruă ngă hrŏm lu mơta kiăng ba glăi anŏ tŭ yua sit nik.

Khua anih jưh pơ ala ơi Hà Vĩ lăi pơtong, tơlơi rô nao rai dua bơnah ping gah, dua bơnah kơnuk kơna amăng hrơi blan pơđĭ kyar hiam klă hăng pơbưp nao rai khua mua pơprong, ngă hrŏm tŭ yua lu bơnah, boh nik ñu gah bruă sĭ mơdrô, tuh pơ alin, tuai čuă ngui đĭ kyar lu, jĕ giăm mơnuih ƀôn sang dua bơnah hơmâo pơphun re se mơak klă soh.