Sem lăng blung a brơi ƀuh, hơmâo năng ai 10-15 čô tơhan pơsăn drơi arăng dor lui ƀơi anun, rơnuk blah ayăt đưm. Rơbêh 20 čô khua mua, ling tơhan hăng tơhan plơi gah sang bruă khua tơhan tơring čar gir rŭ kuai, djong mă duñ meh tơlang đôm amăng lŏn pơtâo, čih pioh, dưm mrô kiăng jŭ yap glăi djop mơta gơnam dŏ đôm hrŏm kah hăng kơđuh asar boh phao, gêt čai ia jrao drap hăng bơnal ia mriah.

Hlâo kơ anun, ĕp amăng hră čih anăn, ƀing dŏ hơdip ƀuh ƀơi anăp rơnuk blah ngă hlâo adih ră ruai glăi ƀơi plơi pla giăm anun, hơmâo 2 per tơlang arăng ƀuh tơdơi kơ thun 1975, sang bruă kơnuk kơna kăng pioh ling hăng pok prong anih hơduah ĕp. Ră anai, bruă hyu hơduah ĕp, jŭ yap hơmâo pok prong amăng kual Cổng Hậu, kơčăo bruă man pơdong glăi plơi rơngôl Thành cổ, sang krư̆ jăng jai yua kông an tơring glông hơđăp wai lăng hrŏm hăng kual lŏn amăng lu đang sang mơnuih ƀôn sang jĕ giăm anun, kiăng hyu ĕp, huăi lui hĭ soh sel.