Mơ̆ng rơnuč blan 6, Khánh Hoà ngă Jơlan hơdră 90 hrơi čuk pơkra pơklaih ala lŏn ƀơi hơdôm ring bruă akŏ phun. Truh ră anai, 13 kơčăo bruă dưi ngă giong laih bruă kiăng ngă năng blung; 7 kơčăo bruă dưi pơkra mơ̆ng 50% truh kơ lu hloh, laih anun dưi ngă giong tơdah ngă hơdeč hloh. 13 kơčăo bruă gah yŭ kơ 50%. Phun ñu ngă kaih lĕ yua hră lŏn tơnah aka ƀu găl, hơdôm anom bruă ngă hrŏm aka ƀu klă ôh, hră pơ-ar aka ƀu hơmâo kĭ kơđŏm, laih anun aka ƀu ngă bruă tom ană plơi ôh.

Gơnong bruă man pơdong tơring čar Khánh Hòa čih pơmut năng ai 30 kơčăo bruă akŏ phun, pơƀut amăng khul bruă tuh pơ alin kơnuk kơna ngă pô, plơi prong, sang dŏ, tuai hyu ngui, boh thâo măi mok ia rơgơi hăng apui lơtrik...Prăk pioh tuh pơ alin mơ̆ng anai truh abih thun lĕ 66.000 klai prăk./.