Khua ping gah, khua mir sir lăng yom, tơdơi kơ sa thun ngă tui Hră pơtrun 71, pơblih rơđah kơ tơlơi thâo hluh, tơlơi phiăn pơkă, jơlan hơdră djru ba, mơnuih apăn bruă hăng hơdră git gai wai lăng; lu anŏ ngă gun kơđông lĕ sui thun  dưi pơsir hĭ laih. Jơlan hơdră djru kơ ƀing nai pơtô hrăm, mơnuih hrăm hră dưi đing nao lu; pơtô pơhrăm bruă mă hăng pơtô hrăm gưl prong hơmâo anăp nao hăng jơlan gah kơsem min boh thâo ia rơgơi, pơblih pơčeh phrâo anăp nao tŭ yua hloh, khul nai pơtô pơhrăm, mơnuih hrăm hăng mơnuih apăn bruă aka ƀu pơblih tong ten đơi ôh.

Thun blan pơ anăp, kiăng pơblang brơi kơtang hloh, ngă tui djơ̆ tơlơi phiăn, jơlan hơdră pơtrun, kiăng hơmâo boh tŭ yua hloh. Anom bruă pơtô hrăm khom pơblih mơ̆ng wai lăng sang hră, đing nao kơ ƀing nai pơtô truh pơ jơlan hơdră pơtô pơhrăm, hrăm hăng pơplông laih anun pơtong glăi sit nik; pơhrŏ anŏ hrăm kiăo tui tŭ kơ hơmâo, hrăm bong glăi hăng ƀing nai, khom kơtưn gir hrăm sit nik mơ̆ng ta pô, ngă tui tơlơi hrăm, găn rơgao ba yua ngă tui sit nik, hơmâo tơlơi pơmin tơbiă rai mơ̆ng rim čô mơnuih hrăm hăng tơlơi thâo sit nik či pơsir bruă ngă mơ̆ng gơñu.