Anai lĕ hơdră bruă kiăng pơsir hĭ anŏ gun amăng pơƀuh brơi anih pla, laih dong pơplih mơng wai lăng tui hơđăp hơdai nao wai lăng tui tơlơi djă pioh Dak Lak ră anai hơmâo rơbêh 410 mrô kual pla sầu riêng, đơ đam giăm 11.000 ektar hăng 73 anih anung gơnam hơmâo ngă mrô kual. Lơm anun, đơ đam đang hmua pla sầu riêng amăng tơring čar giăm 44.000 ektar, pĕ pơhrui amăng thun 2026 him lăng giăm 500 rơbâo tơ̆n.

Hơnong pơkă mơng hơdră bruă anai ƀu djơ̆ kơnong pơsir hĭ bruă ngă hră pơ-ar, pơƀuh anih pla đôč ôh mơ̆ ăt plih hĭ hơdră ngă hmua, wai lăng hăng tơkuh nao rai anih anom sĭ mơdrô. Bruă pơjing anih djă pioh hră pơ-ar amra pơgôp ngă rơđah bruă pla pơjing, lăp djơ̆ tơlơi rơkâo sĭ mơdrô pơ tač rơngiao, hrưn đĭ pran bơkơtưn hăng pơđĭ kyar gơnong bruă sầu riêng.