Amăng mông ngă lơphet, Khua dêh čar ơi Lê Minh Hưng jao tơlơi pơpŭ prong hloh mơng Ping gah hăng Kơnuk kơna, tŭ yap hơdôm tơlơi pơgôp prong mơng Khul hăng anom bơwih ƀong sĭ mơdrô anet hăng man ƀrô amăng bruă pơjing, pơđĭ kyar lŏn ia. Khua dêh čar ơi Lê Minh Hưng rơkâo hơdôm anom bruă bơwih ƀong sĭ mơdrô anet hăng man ƀrô kiăng pơmĭn đĭ prong tui, ƀơƀrư̆ jing anom bơwih ƀong pơprong, hrưn tơbiă hyu amăng kual hăng rŏng lŏn tơnah. Khua dêh čar lăi pơtong tơlơi gơgrong phun mơng kual bơwih ƀong mơnuih ƀôn sang ngă pô, amăng anun anom bơwih ƀong anet hăng man ƀrô lĕ hơdôm anom bruă pơgôp ngă tui hơnong pơkă pơđĭ kyar dua mrô hăng hơdôm hơdră bruă pơđĭ kyar lŏn ia truh thun 2030, anăp nao thun 2045.

Khua dêh čar rơkâo tŏ tui pơhrŏ, aset ƀiă hră pơ-ar kiăng ngă, tơlơi pơkă bơwih ƀong sĭ mơdrô hăng prăk duh lơm bơwih ƀong; pơgiong črăn tơlơi phiăn pơđĭ kyar anom bơwih ƀong sĭ mơdrô anet hăng man ƀrô. Sang bruă prăk kơnuk kơna kiăng git gai hơdôm khul grup brơi čan prăk pơhlôm brơi djop glông čan prăk, mă yua boh thâo phrâo, tañ ƀiă amăng bruă ngă brơi hră pơ-ar kiăng anom bơwih ƀong amuñ čan prăk.