Amăng mông bưp, Khua git gai Ping gah, Khua mir sir lăi pơthâo 4 mơta bruă akŏ phun, anun lĕ: Kiăng hluh rơđah tơlơi yôm mơng bruă ruah dưm dăp hăng tơlơi glăm ba mơng ƀing apăn bruă arăng ruah prap lui ngă bruă; Kiăng pơhlôm djơ̆ tơlơi thâo thăi sit nik mơng ƀing apăn bruă yua Khul git gai Ping gah wai lăng amăng rơwang phrâo. Tơlơi pơkă rơnuč lĕ kiăng hơmâo gơnam dưi ngă, boh tŭ yua, tơlơi pơglăi klă, tơlơi đăo gơnang hăng bruă djru ba mơnuih ƀôn sang; kiăng pơplih phrâo bruă wai lăng, pơhrăm pô hăng mă yua ƀing apăn bruă tơdơi kơ dưm dăp lui hlâo. Ñu đing nao pơtăn bruă ngă gêh gal kiăng ƀing apăn bruă thâo pơmĭn, khin ngă, khin glăm ba. Khua git gai Ping gah, Khua mir sir ơi Tô Lâm lăi nao rơđah bruă prap lui mơnuih apăn bruă ră anai lĕ prap lui tơlơi git gai mơng Ping gah brơi hơdôm rơwang pơđĭ kyar phrâo.

Ruah dưm dăp hlâo lĕ bruă prap lui, pơhrăm pô, pơƀuh brơi tơlơi thâo thăi hăng ruah lăp djơ̆; ƀu djơ̆ prap lui “grê” brơi ƀing apăn bruă. Khua git gai Ping gah, Khua mir sir lăi pơtong: ngă bruă hơget lĕ yua khul grup ruah đĭ; bruă mă lĕ tơlơi jao glăi kiăng djru brơi lŏn ia hăng mơnuih ƀôn sang; tơlơi đăo gơnang hăng bruă mă yua rĭm čô mơnuih pơƀuh brơi. Gru hơdip hăng tơlơi thâo thăi mơng ƀing apăn bruă kiăng pơsit amăng tơlơi sit nik, hăng bruă yua tơlơi glăm ba, hăng boh than ba glăi amăng bruă mă hăng mơng pran đăo gơnang mơng ƀing apăn bruă, mơnuih Ping gah laih dong mơnuih ƀôn sang./.