VOV.Jarai-Jơnum bơkơtuai tơlơi bơwih ƀong huă mơnuih ƀôn sang ngă pô anom sĭ mơdrô ƀơi Việt Nam thun 2026 pơphun gưl tơring čar ƀơi Dak Lak. Ƀu kơnong pơčrong sai kơ bruă pơblih tơlơi phiăn pơkă đôč ôh, jơnum anai ĕp jơlan hơdră pơsir brơi hơdôm anih dŏ kơđông ngă gun hĭ anih anom bơwih ƀong huă gah mơnuih ƀôn sang ngă pô sang bruă mơdrô, dơ̆ng mơ̆ng bruă ngă hră pơar truh pơ bruă apah yua lŏn hăng pơblih yua mrô laih anun ĕp mơnuih mă bruă.

VOV.Jarai-Thượng tướng Lê Quang Minh, Kơ-iăng khua anom bruă kơđi čar ling tơhan mơnuih ƀôn sang Việt Nam, hrŏm hăng grup hyu mă bruă mơ̆ng tơhan kual 5 laih anun khua mua tơring čar Quảng Ngãi nao ĕp lăng bruă sem hlâo hăng rŭ tơlang ƀing tơhan pơsăn drơi ƀơi kual ter jơlan Trường Chinh, gah hơdôm phường Đak Kâm hăng Kon Tum.

VOV.Jarai-Mơguah tom brơi, kơnôl 30/07, khul pơ ala mơnuih ƀôn sang tơring čar Dak Lak tal XI jơnum lok dua, kiăng pơtong glăi tơlơi pơhing pơđĭ kyar bơwih ƀong huă-mơnuih mơnam 6 blan akŏ thun, rơkâo đĭ ĕp hơdră pơsir amăng năm blan rơnuč thun hăng sem glăi lu mơta tơlơi phiăn hră pơtrun yom pioh ngă tơhnal pơđĭ kyar pơ anăp adih.

VOV.Jarai-Mơguah (kơnôl 30/6), ƀơi Ƀirô mă bruă, Ding jum kơđi čar pơphun Jơnum đơ đam dêh čar kơsem min, pơhrăm, hruă kjăp hăng pok pơhai ngă tui tơlơi pơtrun mrô 10-NQ/TW kơnôl 8/6/2026 mơng Ding jum kơđi čar kơ pơđĭ kyar bơwih ƀong huă hơmâo prăk tuh pơ alin mơng tač rơngiao.

VOV.Jarai-Kơnôl 30/6, jơnum min pơ ala mơnuih ƀôn sang tơring čar Lâm Đồng tal XI, rơwang thun 2026-2031 pơphun Jơnum lok 4, đing nao lăng glăi boh than pơđĭ kyar bơwih ƀong huă-mơnuih mơnam 6 blan akŏ thun, pơsit lu tơhnal pơkă, hơdră bruă hăng bruă jao akŏ phun brơi 6 blan rơnuč thun 2026.

VOV.Jarai - Mơguah kơnôl 1/7, khul khua Ping gah ƀôn prong, Khul khua pơ ala mơnuih ƀôn sang, Jơnum min mơnuih ƀôn sang hăng Jơnum min djŏp djuai ania mơnuih mơnam Việt Nam ƀôn prong Hồ Chí Minh nao dưm guang bơnga hơdor kơ Khua mir sir Hồ Chí Minh ƀơi Đang bơnga gong kut Khua mir sir Hồ Chí Minh, ƀrô hơdor glăi 50 thun hrơi plơi prong Sài Gòn - Gia Định pơ-ư pơ-ang mă anăn Khua mir sir Hồ Chí Minh.

VOV.Jarai - Tlam kơnôl 29/6, ƀơi Sang bruă Kơnuk kơna, Khua dêh čar ơi Lê Minh Hưng pioh mông bưp ơi Jim Nickel - Khua anih jưh pơ ala dêh čar Canada ƀơi Việt Nam, ơi Choi Young Sam - Khua anih jưh pơ ala Hàn Quốc ƀơi Việt Nam, Gillian Bird - Khua anih jưh pơ ala dêh čar Australia ƀơi Việt Nam.

VOV.Jarai - Mơguah tom brơi (29/6), ƀơi Hà Nội, Ping gah Khul tơhan pơnah kơnong - amrom phao apui, Ding jum ling tơhan pơphun ngă lơphet 80 thun Hrơi gru grua tơhan pơnah kơnong - amrom phao apui (29/6) hăng čơkă Miđai Pơgang lŏn ia mrô Sa.

VOV.Jarai - Ƀơi phường Quy Nhơn, tơring čar Gia Lai, Ding jum kông an pơphun jơlan hơdră pơpŭ bơni kơ 58 boh sang anŏ Kông an rơgơi mơbruă rơwang thun 2021-2026 anăp nao 80 thun Hrơi gru grua tơhan Rơnuk rơnua mơnuih ƀôn sang (12/7).

VOV.Jarai - Ngă tui tơlơi pơtrun mrô 68 mơ̆ng Ding jum kơđi čar kơ đĭ kyar bơwih ƀong mơnuih ƀôn sang ngă pô, tơring čar Dak Lăk pơphun jơnum pơbưp mơnuih ƀôn sang, pơhiăp tom anom bơwih ƀong, ƀut ngă ƀong hrŏm, sang anŏ sĭ mơdrô. Mông jơnum pơƀuh pran jua gir mơ̆ng Dak Lăk amăng bruă pơplih tơlơi pơmin wai lăng gah hră pơ-ar jing gum ngă hrŏm, bơwih brơi sang bruă mơdrô, lăng anih bơwih ƀong mơnuih ƀôn sang ngă pô yơh yom hloh đah mơ̆ng dưi đĭ kyar hơmâo dua mrô.