Tơdơi kơ hmư̆ tơlơi lăi pơthâo hăng hơdôm tơlơi pơgôp hiăp, Khua ping gah, Khua mir sir lăi rơđah, găn rơgao 15 thun akŏ pơdong, pơplih klă tui Ping gah, tơlơi kiăng ngă ƀu kơnong tañ ƀuh, pơsir hĭ anŏ soh glăi đôč ôh, hloh kơ anun dong lĕ dưi pơhlom pơgang mă pô, pơplih phrâo, ƀư̆ pơkra mă kiăng kjăp bruă hloh. Khua ping gah, Khua mir sir lăi dlăm, pran kơtang mơ̆ng Ping gah blung hlâo lĕ tơlơi rơgơi thâo mă pô, ƀư̆ pơkra mă pô, khut ƀu brơi tơlơi soh lok glăi.

Khua ping gah, Khua mir sir kiăng, Hră pơtrun phrâo khŏm pơplih sit nik: anom bruă ping gah khŏm kjăp kơtang hloh, khul grup ping gah khŏm klă hloh, ƀing khua apăn akŏ rơgơi, dưi akŏ pơdong, pơđĭ tui mơnuih mă bruă rơgơi, mă bruă bơbruai, huăi hơmâo anŏ gun, tơlơi dưi ngă khua hơmâo wai lăng kjăp, hơdôm bruă rơkâo đĭ lăp djơ̆ mơ̆ng mơnuih ƀôn sang khŏm hơmâo pơsir brơi tañ. Yua hnun, khŏm hơmâo tơlơi pơtrun lăp djơ̆, dưi ngă, ngă tŭ yua, pơplih kơtang, pơđĭ tui tơlơi rơgơi git gai wai lăng mơ̆ng Ping gah, djơ̆ hăng tơlơi kiăng đĭ kyar lŏn ia ta amăng rơnuk phrâo./.