Djop ruăi anih hrăm hăng anih mă bruă mơ̆ng sang hră lir hơbit gưl Sa hăng gưl Dua Ia Puč hơmâo ngă giong mơ̆ng hlâo kơ anai.Dơ̆ng mơ̆ng kơnôl 26/8, 40 čô hlăk ai mut phung să Ia Puč nao djru dăp brơi kơƀang grê amăng anih hrăm.

Abih bang gơnam yua amăng anih hrăm ăt dưm truă giong abih. Sang hră đôm lăm dua gưl ƀơi să Ia Puč man pơdong hmar hloh amăng 7 boh sang hră hlăk dŏ man pơdong ƀơi Gia Lai. Him lăng kơnôl 30/8, abih bang lan sang hră, đang bơnga, anih dŏ kơ sang hră giăm guai ƀơi Ia Puč amra dưi rơmat giong rơgoh hơdjă, kiăng jao glăi ring bruă kơ sang hră pơphun jơnum ngă yang mut thun hrăm phrâo.