Sang măi hơmâo man pơdong ƀơi să Phú Hòa 2, ƀơi đơ đam đang hmua rơbêh 8ha. Hrơi man pơkra hăng ba yua him lăng amăng 12 blan dong mơ̆ng hrơi jao lŏn. Lơ̆m ngă bruă, sang măi anai dưi brơi nao năng ai 150 klăk kwh apui lơtrik rim thun.

Jơnum min mơnuih ƀôn sang tơring čar Dak Lăk kiăng sang bruă tuh pơ alin pơƀut djŏp anŏ hơmâo, mơnuih mă bruă, pơhlom ngă djơ̆ hrơi pơkă, kiăo tui tơlơi pơtrun gah lŏn sang đang hmua, glai rưng, ayuh hyiăng; laih dong pơhlom brơi tơlơi hơdip mơda mơnuih ƀôn sang, rơnuk rơnua hơđong kjăp ƀơi anih hơmâo sang măi. Bruă pơhưč tuh pơ alin sang măi apui lơtrik phrâo, amăng anun hơmâo apui pơkĕ jua angin, čang rơmang đĭ kyar mơtah, hăng đĭ kyar hơđong kjăp ƀơi Dak Lăk./.