Ƀơi Nha Trang, lu sang jưh tuai hiam mơ̆ng 3 asar pơtŭ truh 5 asar pơtŭ tuai rơkâo nao pơdơi abih 70%; ƀơi hơdôm sang jưh tuai gêh găl ter hang ia rơsĭ, tuai mut dŏ abih 90%. Lu anih dŏ glăi, pơdơi pơdă amăng sang anŏ mơnuih ƀôn sang adoh dŏ ƀơi Phan Rang, Ninh Chử, Vĩnh Hy ăt lu tuai nao dŏ mơ̆n.

Khánh Hòa ră anai hơmâo rơbêh 1.400 sang jưh pioh kơ tuai apah dŏ 70.000 anih pit đih, dưi djop brơi amăng hơdôm hrơi pơdơi pơdă ngă yang mơak dêh čar. Samơ̆, ƀing tuai rơkâo apah dŏ ƀơi djop sang jưh tuai giăm hang ia rơsĭ hăng tong krah ƀôn prong. Ơi Trần Tấn Ngọc, Khua wai lăng djop sang jưh tuai ƀơi jơlan Trần Phú, Phường Nha Trang brơi thâo, rơnoh anih apah, tuai rơkâo dŏ mơ̆ng 80-90%. Tui hăng ơi Ngọc, mah rơnoh apah anih dŏ ƀơi Khánh Hòa ƀu pơmă đơi ôh, tuai ăt mơ-it hră rơkâo mă lui hlâo kiăng huăi bơrơsua amăng mông lu mơnuih či apah dŏ djơ̆ hrơi pơdơi pơdă.