Ƀơi anăp pơsăt jĕp Khua mir sir Hồ Chí Minh, Khua git gai Ping gah, Khua mir sir ơi Tô Lâm hrŏm hăng ƀing khua mua hơmâo tŭi ñang pơdah pran jua hơdor tơngia kơ Khua mir sir Hồ Chí Minh, Khua apăn akŏ kơ mơnuih ƀôn sang Việt Nam; mơnuih ngă bruă hơkrŭ mơng Ping gah ta hăng kông ñơn jar kmar. Mơnuih tuh rơyuh pran jua kơ bruă pơklaih rơngai lŏn ia, djru brơi bruă pơhlôm rơnuk rơnua hăng yâo mơ-ak mơng djuai ania Việt Nam hăng mơnuih amăng rŏng lŏn tơnah.

Hơdôm tơlơi pioh hơdor, hră pơ-ar, gơnam tam glăk hơmâo pơdă prưng ƀơi anih djă pioh gơnam sô hơđăp kơ Khua mir sir Hồ Chí Minh ƀơi Ƀirô Khua mir sir jing tơlơi pơƀuh brơi tong ten hăng sit nik hloh, lăi pơthâo brơi tơlơi hơdip, bruă mă, tơlơi pơmĭn, gru hơdip mơng wa Hô. Ră anai, hơdôm pok hră pơ-ar, gơnam tam kơ wa ƀơi anai ăt dŏ răk pioh klă, pơgôp pơƀuh brơi lu mơnuih nao ĕp lăng, kơsem min, hrăm tui tơlơi hơdip, bruă mă, tơlơi pơmĭn, gru hơdip mơng Khua mir sir Hồ Chí Minh.