Khua ping gah, Khua mir sir ơi Tô Lâm lăng yom biă hơdôm tơlơi gum pơgôp mơ̆ng ơi Dmitry Medevdev hăng bruă đĭ kyar mơ̆ng čar Nga hăng tơlơi rô nao rai giăng mah, pŭ ƀăn, Ngă hrŏm prong hlom bom plah wah Việt Nam - Nga.

Pơsit Việt Nam pơpŭ biă tơlơi gum djru mơ̆ng Liên Xô hlâo adih, hăng dêh čar Nga rơnuk anai, Khua ping gah, Khua mir sir ơi Tô Lâm rơkâo dua Ping gah pơtrut tui tơlơi gơgrong ba jơlan rô nao rai; pơđĭ tui bruă pơbưp khul grup khua mua, pơčrông sai tơlơi pơtô djơ̆ bruă kơđi čar hăng pơthâo nao rai anŏ tŭ yua akŏ pơjing Ping gah, wai lăng dêh čar, đĭ kyar bơwih ƀong huă - mơnuih mơnam hăng boh thâo mrô. Dua bơnah tŭ ư pơtrut ngă hrŏm amăng bruă apui yua ia jâo, boh thâo ia rơgơi, pơčeh phrâo, ia rơgơi ană mơnuih pơkra rai, pơtô pơjuăt, logistics hăng jơnum ngui pơbưp mơnuih ƀôn sang./.