Amăng mông jơnum pơčrông sai kơ bruă pơgiong 3 črăn tơlơi phiăn hơmâo: Tơlơi phiăn čih pơkra glăi, tơlơi phiăn sang dŏ hăng tơlơi phiăn sĭ mơdrô sang dŏ, lŏn mơnai čih pơkra glăi. Khua dêh čar lăi pơtong, 3 črăn tơlơi phiăn hơmâo pơlir nao rai, ngă gơgrong phun amăng pok phư mă yua lŏn mơnai, pơđĭ kyar sĭ mơdrô lŏn mơnai, sang dŏ hăng pơtrut pơđĭ kyar bơwih ƀong huă. Kơnuk kơna him lăng pơphun jơnum pơčrông bruă čih pơkra tơlơi phiăn amăng kơnôl 15/9 kiăng pơgôp hiăp hlâo kơ mơ-it nao Ƀirô Khua pơ ala mơnuih ƀon sang dêh čar.

Kơ lŏn mơnai, Khua dêh čar rơkâo pơgiong hơdôm tơlơi pơkă kơ bruă jao, brơi yua lŏn apah, juă nua sĭ, juă nua man pơdong, nua lŏn hăng pơplih nua duh pơhrua mơng lŏn mơnai yua dưm dăp man pơdong ba glăi; laih dong pơplih tơlơi pơmĭn amăng pơhrui glăi lŏn mơnai, duh glăi kông ngăn hơdai nao pơhlôm brơi tơlơi hơdip bơwih ƀong brơi mơnuih ƀôn sang. Kơ sang dŏ, kiăng đing nao pơđĭ kyar sang dŏ prong glông, anăm čăng lŏn sĭ phara amăng plơi prong, hơmâo tơhnal pơkă kiăng pơhưč tuh pơ alin man pơdong sang dŏ apah hăng wai lăng bruă sĭ tui hor, ngă kiăng ba glăi tơlơi dưi pô.