Hmư̆ hơdôm tơlơi pơgôp hiăp mơng mơnuih ƀôn sang Việt Nam ƀơi Mông Cổ, pơ ala khua mua Ping gah, Kơnuk kơna, Khua git gai pơ ala mơnuih ƀôn sang dêh čar ơi Trần Thanh Mẫn mơ-it nao ƀing apăn bruă, mơnuih mă bruă amăng Sang anih jưh hrŏm hăng mơnuih ƀôn sang Việt Nam ƀơi Mông Cổ tơlơi tơña bla, pơpŭ hiam drơi jăn pran jua hăng pơpŭ hơdôm tơlơi hiam klă.

Lăi rơđah Ping gah hăng Kơnuk kơna lêng kơ đing nao pơgiong tơlơi črâo trun, hơdră djru brơi mơnuih ƀôn sang Việt Nam pơ tač rơngiao, Khua git gai pơ ala mơnuih ƀôn sang dêh čar brơi thâo, hơdôm tơlơi rơkâo, tơlơi tơnap tap mơng neh met wa amra hơmâo hơdôm anom bruă bơdjơ̆ nao amăng dêh čar gum hrŏm hăng Sang anih jưh kơsem min, sem lăng kiăng hơmâo hơdră pơsir lăp djơ̆ kiăng pơtrut ngă hrŏm kơplah wah dua boh dêh čar kah hăng djru brơi klă ƀiă mơnuih ƀôn sang Việt Nam ƀơi Mông Cổ.