Ơi Trần Cẩm Tú, Ding kơna Ding jum kơđi čar, Khul git gai Ping gah, Khua git gai Ping gah hơdôm anom bruă Ping gah gơnong glông git gai mông jơnum. Ƀing khua mua pơčrông kơ hră lăi pơthâo boh than dưi ngă blan 8, bruă jao akŏ phun amăng blan 9; bruă akŏ pơjing anih wai lăng bruă mă hăng sem lăng ƀing apăn bruă amăng Ping gah. Jơnum ăt pơgôp hiăp amăng akŏ bruă ngă tui 5 tơlơi pơtrun hăng 1 tơlơi črâo trun mơng Ding jum kơđi čar; hơdôm hơdră bruă hrưn đĭ klă amăng bruă mă amăng khul grup tui tơlơi črâo trun mrô 50 mơng Khul git gai Ping gah.

Amăng blan 9, Ping gah hơdôm anom bruă Ping gah gơnong glông đing nao prap lui Jơnum gơnong glông lok 4 tal 14; pơtrut tañ pơplih mrô amăng gơnong bruă pơjing Ping gah; ngă tong ten, tơpă hơdôm hră čih pioh mơng mơnuih Ping gah, dưm wai lăng hră pơ-ar hăng pok pơhai ngă 4 pok hră pơ-ar mơng Ping gah dưm amăng plang điện tử. Laih dong, tŏ tui mă yua hră pơ-ar pô mơnuih Ping gah điện tử hăng kơsem min pok pơhai bruă sem lăng jao miđai Ping gah amăng plang răk pioh hră pơ-ar Ping gah 4.0.