Tơlơi bơwih ƀong huă mrô mơ̆ng Dak Lak dưi pơkă hlâo anăp či ngă dua jơlan gah: akŏ pơdong djop bruă hăng boh thâo ia rơgơi tơlơi pơhing, pôr pơthâo tơlơi pơhing hăng bơwih bơwang mrô; laih dơ̆ng ba boh thâo ia rơgơi mrô pioh yua amăng djop anom bruă bơwih ƀong huă phun, kah hăng ngă hmua pla pơjing, pơkra ming gơnam sĭ mơdrô, tuai čuă ngui hăng logistics.

Tơhnal pơkă truh thun 2030, tơlơi bơwih ƀong huă mrô djru hrŏm mơ̆ng 30% GRDP pơngŏ; 100% mrô rơnoh ba yua hrŏm hăng ba yua sa hnơ̆ng bruă pơmut amăng mrô, pơtruh nao rai, kah pơpha soh.

Kiăng dưi ngă djơ̆ tơhnal pơkă anai, Dak Lak amra pơtum nao kơ bruă ngă pơgiong hĭ, jơlan hơdră, tơlơi phiăn pơtrun; čuk pơkra jơlan glông nao rai hăng gơnam yua mrô hơđong hloh, mrô mơnuih apăn bruă; laih dơ̆ng kơtưn ba yua boh thâo ia rơgơi amăng bruă bơwih ƀong huă mrô hăng pơgang tơlơi rơnuk rơnua hơđong plang internet.

Ƀơi mông jơnum kơ tơlơi bơwih ƀong huă mrô yua Jơnum min mơnuih tỏing čả Dak Lak pơphun, lu tơlơi pơgôp hiăp lăi lĕ, anŏ phun yom ƀu kơnong tuh pơ alin kơ gơnam yua akŏ pơdong kơ atur ia rơgơi mrô đôč ôh, dŏ đing nao pơblih jơlan hơdră pơđĭ kyar kơnang nao kơ rơnoh gơnam hơmâo nao kơ mrô rơnoh hăng ia rơgơi phrâo, mơ̆ng anun pơjing rai rơnoh bơwih ƀong huă tŭ yua sit nik. Glông bruă pơkă yua ia rơgơi mrô, ăt dưi pơdưm anŏ krăp lăng, kiăo tui hăng git gai tơhnal pơkă mrô rơnoh pơđĭ kyar bơwih ƀong huă.

Khua Jơnum min mơnuih ƀôn sang tơring čar Dak Lak, ơi Đỗ Hữu Huy rơkâo akŏ pơjing rai akŏ bruă či lăi nao bơwih ƀong huă mrô tui hăng anŏ kiăng “6 mơta rơđah”. Rim kơ sa mơta bruă khom pơtong rơđah sa boh anom bruă pô git gai hăng pơkra ming rai gơnam rơđah rơđong mơ̆n.

“Jao kơ rim gơnong bruă, rim bruă či ngă hăng gơnam mơ̆ng gơnong bruă anun ngă blan anai hơgĕt, blan tơdơi hơgĕt. Anŏ kiăng rim blan khom 1 mơta gơnam pioh ƀuh rơđah, djơ̆ pô, djơ̆ bruă. Amăng akŏ bruă pơđĭ kyar ƀơi tơring čar lĕ, kiăng rim boh să phường hơmâo sa KOL ( mơnuih hmư̆ hing) pioh pôr pơthâo brơi amăng atur ia rơgơi, gơnam pơkra ming OCOP mơ̆ng plơi pla anun, pôr amăng plang tơlơi pơhing. Kâo rơkâo khom lăi pơthâo rim mơta gơnam pơkra ming kiăng pơkă lăng hăng bruă dưi ngă boh tơhnal dưi hơmâo sit nik”.