Tơdơi kơ pơmut hrŏm hăng Phú Yên, tơring čar Dak Lak phrâo prong rơbêh 18.000 km karê, mrô mơnuih rơbêh 3,3 klăk čô, pơjing anih pơđĭ kyar hơmâo wŏt kual Dap kơdư hăng ter hang ia rơsĭ. Gah yŭ hơmâo tơlơi gal hăng đang kơphê hăng lu gơnam đang hmua anun lĕ tiu, sầu riêng, kơsu, makka; gah Ngŏ hơmâo ia rơsĭ, tơdrun kompăn, akan hơdang, hrŏm hăng tơlơi gal bơwih brơi tuai čuă ngui, bơwih ƀong kual ia rơsĭ hăng logistics.

Ră anai Dak Lak hơmâo 7 akŏ bruă tuh pơ alin mơng dêh čar Japan hăng abih tih giăm 30 klăk đôlar Mi. Tơring čar pơsit pơ anăp anai amra đĭ lu tui hăng klă ƀiă hơdôm akŏ bruă tuh pơ alin mơng Japan, đing nao hơdôm akŏ bruă yua boh thâo phrâo, đĭ tui pơhrui hăng dưi pơlir hăng anom bơwih ƀong, mơnuih ƀôn sang. Sang anih jưh pơ ala dêh čar Việt Nam ƀơi Japan hơmâo djru pơlir hăng grup mă bruă Dak Lak hăng grup pơsur sĭ mơdrô Japan (JETRO) hăng anom bruă kual ASEAN-Japan kiăng kơ ĕp lăng tơlơi rơkâo ngă hrŏm, lăi pơthâo tơlơi gal hăng pok prong rô nao rai hăng hơdôm bơnah ngă hrŏm ƀơi Japan.