Amăng hrơi blan rơgao, anom bruă pơdong ƀơi kual Dap kơdư hơmâo hruă kjăp, pok pơhai hơdôm tơlơi črâo trun, tơlơi pơtrun mơng Ping gah, hơdră bruă, tơlơi phiăn mơng kơnuk kơna hăng tơlơi git gai mơng Gong phun jua pơhiăp dêh čar Việt Nam kơ pơgang rơnuk rơnua, hơđong, pơgăn ngă pirăt, pơgang apui ƀong, hơđong glông pôr pơhing hăng pơgang hơgŏm tơlơi pơhing kơnuk kơna.

Pơđut mông pel ĕp, ơi Vũ Hải Quang lăi pơtong anom bruă pơdong kual Dap kơdư lĕ anom bruă akŏ phun mơng Gong phun jua pơhiăp dêh čar Việt Nam, jing anih glăm ba phun amăng ngă tui bruă jao pôr pơhing, pơtô pơblang ƀơi ƀon lan. Ñu rơkâo anom bruă tŏ tui tơlơi gơgrong amăng pôr pơhing, hmao tlôn ba tơlơi črâo trun, jơlan gah bruă mă mơng Ping gah, hơdră bruă, tơlơi phiăn mơng Kơnuk kơna tơl mơnuih ƀôn sang, sit biă ñu lĕ mơnuih djuai ania ƀiă; gơgrong kiăo tui lăng, lăi pơthâo tơlơi sit nik ƀơi ƀon lan, pơgôp pơgang hơđong kơđi čar, pơhlôm rơnuk rơnua.