VOV.Jarai - Jơnum min mơnuih ƀôn sang tơring čar Khánh Hoà phrâo pơtrun bruă ruah mơnuih mă bruă thun 2026 či pơhrua tui mơnuih mă bruă rơgơi, thâo pơmin, djơ̆ hăng tơlơi kiăng mă bruă ƀơi hơdôm anom bruă, hăng ƀơi să phường amăng tơring čar.

VOV.Jarai-Khul črâo ba bruă brơi tơbiă sang krư̆ hlâo thun pơkă thun 2026 hơmâo sem lăng rơbêh 10.000 hră pơ-ar ƀing mơnă djop tơlơi gal brơi tơbiă sang krư̆ tañ ƀiă

VOV. Jarai-Pơkă hnơ̆ng pơđĭ kyar bruă tuh tia pơkra pơjing, kơtưn lir hơbit lu kual, pok pơhai bruă čơkă tuai hăng bruă djă pioh gru grua hiam…jing boh yom phun lăp đing nao amăng mông jơnum bơkơtuai pơgôp hiăp čih pơkra pơkă hnơ̆ng glăi tơring čar Dak Lak mơ̆ng thun 2021-2030, lăng nao pơ anăp adih truh thun 2050, pơphun jơnum ƀơi Ƀuôn Ma Thuôt, hơmâo lu mơnuih rơgơi kơhnâo, khua mua git gai wai lăng hăng sang bruă mơdrô tuh pơ alin amăng dêh čar.

VOV. Jarai-Pơgăn tơlơi sat răm taih amang amăng sang hră khom thâo mơ̆ng phun tơdŭ ñu: akŏ pơdong anih anom sang hră hrăm rơnuk rơnua, hiam klă hăng čơđai sang hră khom đing hmư̆, gưt hiăp, dưi kah pơpha, djru ba tơlơi pơmin klă hmao kru.

VOV.Jarai-Khua mua jơnum min mơnuih ƀôn sang tơring čar Quảng Ngãi pơtrun hiăp tuh pơ alin, ƀing khua pô sang bruă tuh pơ alin hăng djop să khom ƀuăn ngă tui djơ̆ tơhnal pơkă rim blan, mơ-it akŏ bruă či ngă tui rơđah rơđong, pioh pơ alin hĭ, krăp lăng.

VOV.Jarai-Tlam lơ 21/5, ƀơi sang bruă ping gah dêh čar, Khua git gai ping gah, Khua mir sir ơi Tô Lâm git gai jơnum, mă bruă hăng Khul khua mua hăng jơlan hơdră yom mơ̆ng ping gah dêh čar hăng hơdôm ding jum anom bruă ƀơi gơnong dlông kơ anăp pơđĭ kyar bruă tuh tia pơkra ming gơnam yua man pơdong ƀơi Việt Nam.

VOV.Jarai-Tlam lơ 21/5, ƀơi Ƀirô mă bruă, Khua git gai pơ ala mơnuih ƀôn sang dêh čar ơi Trần Thanh Mẫn git gai jơnum hăng Khul djru bruă jơnum min tơlơi phiăn hăng phiah phiăn.

VOV.Jarai-Ƀơi tơring čar Gia Lai, Khul tơhan hơđăp Việt Nam phrâo pơphun mông bưp ƀing ba gru amăng bruă hrăm hăng ngă tui tơlơi pơmĭn, kơnuih, gru hơdip mơng Hồ Chí Minh rơwang thun 2016-2026. Jơlan hơdră anai kiăng pơpŭ ƀing tơhan hơđăp ba jơlan hlâo amăng pơđĭ kyar bơwih ƀong huă, djru brơi mơnuih ƀôn sang pơklaih mơng ƀun rin, tŏ tui pran khăp pap ƀing gŏp hăng ngă lar hyu gru hơdip hiam mơng tơhan rơnuk wa Hô hăng hơdôm bruă mă rĭm hrơi, sit nik amăng tơlơi hơdip mơda.

VOV.Jarai-Jing kual lŏn lăng anih phun mơ̆ng Dap Kơdư, tơring čar Dak Lak hơmâo anih dŏ phara yom biă mă amăng bruă kơđi čar, pơgang lŏn ia, rơnuk rơnua hơđong. Anai ăt jing anih ƀing ayăt roh juăt hneč mă kơ tơlơi djuai ania, tơlơi đăo pioh pơčut pơčao, kah ania pơpha djuai khul grup gum pơgôp djop djuai ania. Khă hnun, sit nik biă mă ñu amăng djop plơi pla ră anai brơi ƀuh, tơlơi hơdip mơda mơnuih ƀôn sang đĭ tui laih, tơlơi bơwih ƀong huă jai hrơi hơđong hloh, tơlơi đăo kơnang nao kơ Ping gah, Kơnuk kơna ăt kơjăp hloh, ngă atur yom amăng bruă wai pơgang hơđong kơđi čar mơ̆ng plơi pla.

VOV.Jarai-Lơ 21/5, Khua git gai ping gah, Khua mir sir ơi Tô Lâm git gai jơnum khul khua mua pơčrâo bruă mơ̆ng Gơnong dlông kơ bruă pơđĭ kyar boh thâo ia rơgơi, pơblih pơčeh phrâo hăng pơblih yua mrô.