Amăng mông jơnum, djop ding jum, gơnong bruă, gong gai ƀon lan lăi pơthâo bruă mă, hơdôm tơlơi tơnap tap, gun găn hăng ba tơbiă hơdră bruă kiăng hrưn đĭ tŭ yua amăng bruă mă mơng hơdôm anih anom pơtô pơjuăt tơdơi kơ dưm dăp. Tui Ding jum pơtô pơjuăt, truh ră anai, đơ đam dêh čar dŏ 281 anih pơtô bruă mă kơnuk kơna pơdong, pơhrŏ trun 33 anih anom, dưm dưm 10,5% pơhmu hăng rơnuč blan 7.

Bruă pơtô hrăm gưl prong ră anai hơmâo 130 anih kơnuk kơna pơdong, hrŏ trun 3 anih. Pơđut mông jơnum, kơ-iăng Khua dêh čar ơi Lê Tiến Châu rơkâo djop ding jum, gơnong bruă, gong gai ƀon lan ječ ameč pơgiong akŏ bruă, pơsit tong anih djă pioh, pơmut hrŏm, brơi pơdơi ƀudah jao glăi, pơhlôm pơgiong hlâo kơnôl 1/10/2026; laih dong anăm brơi bruă dưm dăp bơdjơ̆ nao bruă pơtô hrăm hăng tơlơi dưi kơ mơnuih hrăm.