Tơhan pơgang guai tơring čar Dak Lăk hăng Sang hră kơnuk kơna čem rông gưl sa hăng dua Ia Lốp amra ngă hrŏm ƀơi 5 mơta bruă, amăng anun Tơhan pơgang guai pơtrut tui tơlơi gum djru sang hră amăng bruă pơtô tơlơi phiăn, tơlơi thâo rơgơi, rơguăt bruă, pơtô brơi bruă mă, lăng ba ƀing čơđai sang anŏ tơnap. Pơđing hmư̆ hloh, hơdôm jơlan hơdră lăng ba čơđai sang hră hơmâo ngă re se, amăng anun “Čung tơkai adơi nao sang hră - Ană rông tơhan pơgang guai” djru rông ba ƀing čơđai sang anŏ ƀun rin, brơi prăk hrăm, djru pơjrao tơlơi ruă, brơi ia jrao hăng gơnam yua, kơdung hră, gai čih kơ ƀing čơđai kơnuk kơna čem rông sang anŏ tơnap kơtang.

Đại tá Rahlan Ngân, kơ-iăng khua ping gah Sang bruă git gai tơhan pơgang guai tơring čar Dak Lăk brơi thâo, bruă pơtruh ngă adơi ayong giăng mah jing bruă hiam, kiăng tơhan pơgang guai dưi ngă hrŏm na nao, kjăp hloh hăng sang hră amăng bruă pơtô hrăm, lăng ba tơlơi hơdip kơ ƀing čơđai pơ guai dêh čar. Mơ̆ng anun djru bruă pơtô hrăm klă, thâo hluh tơlơi phiăn, gơgrong lăng ba guai dêh čar hăng akŏ pơdong guai dêh čar kjăp kơtang./.