Lăi nao hơdră ngă bruă, Khua ping gah, Khua mir sir ơi Tô Lâm brơi thâo, Ping gah hăng Kơnuk kơna Việt Nam ngă tui sa jơlan pơtom hiăp dlăm hloh hăng hơdôm boh dêh čar, amăng anun pơsit, čar Mi jing sa boh dêh čar ngă gŏp yom biă mă.

Khua ping gah, Khua mir sir ơi Tô Lâm rơkâo dua boh dêh čar bong kjăp tơlơi rô nao rai, ngă atur hơđong bruă kơđi čar, sui thun, sit nik djơ̆ hăng tơlơi rô nao rai Gŏp ngă hrŏm hlom bom abih bang bruă mă plah wah dua bơnah. Laih dong čang rơmang, kiăng pơđĭ tui boh tŭ yua bruă pơtom hiăp, pơčrông sai tơpă ară, sit pran jua hăng čar Mi kơ hơdôm bruă mơ̆ dua bơnah lăp đing nao, gir pơsir hĭ mơak hơdôm tơlơi dŏ phara. Khua ping gah, Khua mir sir pơsit, Việt Nam amra hrŏm hăng Mi ba tơlơi rô nao rai ngă gŏp yom amăng abih bang bruă jai hrơi đĭ kyar dlăm hloh, sit nik, thâo pơpŭ nao rai, klă kơ dua bơnah./.