Lơm glăk kuăi lŏn kiăng kơ pla phun keo ƀơi kual kơčong čư̆ Suối Dứa, plơi Đồng Lãnh, să Phú Hòa 2, tơring čar Dak Lak, ơi Trần Văn Lợi, dŏ amăng plơi An Mỹ Nam, ƀuh anung ao tăng klon amăng lŏn. Amăng lăm hơmâo lu gơnam yua him lăng gơnam ƀing ling tơhan yua anun ñu lăi pơthâo brơi anom bruă ling tơhan amăng ƀon lan. Kơnôl 21/9, Anom bruă git gai ling tơhan să Phú Hòa 2 gum hrŏm hăng Grup K51, anom bruă kơđi čar, Anom bruă git gai ling tơhan tơring čar Dak Lak pơphun hyu ĕp hăng klơi rŭ đĭ sa per tơlang tơleh tơhan.

Hrŏm hăng tơlang tơhan, ling tơhan ăt ƀuh 13 asar boh tơmleč, sum tơhan, gai sô tơgơi, boh phao, hrĕ akă ao tăng, boh tơmleč hrĕ bak phao, hrĕ bak adung…Yua tơlang ñu phŏ laih, ƀu dưi mă pioh pơkra lăng ADN dong tah. Per tơlang tơleh anai hơmâo ba glăi pơ anih pioh hơdor tơhan djai pơsăn drơi plơi Phụng Trường 1, dŏ tơguăn ngă yang hơ-ŭ hơdor, ba nao dor. Anai lĕ per tơlang tal 35 hơmâo Grup K51 klơi pơƀut lơm pok pơhai hơdră bruă 500 hrơi mlăm.