Amăng mông jơnum anai, Jơnum min apăn bruă phun pơ ala mơnuih ƀôn sang dêh čar amra sem lăng, pơgôp hiăp kơ lu tơlơi phiăn hăng hră pơtrun. Ƀơi mông jơnum anai, Jơnum min apăn bruă phun pơ ala mơnuih ƀôn sang dêh čar sem lăng, pơsit brơi hơdôm Hră pơtrun kah hăng: Hră pơtrun Jơlan hơdră čih tơlơi phiăn thun 2027; Hră pơtrun pơkă kơ hơdôm anom bruă pel ĕp kơđi hơmâo mă prăk mơ̆ng prăk pơhrui glăi, prăk hơmâo ĕp ƀuh mơ̆ng hơdôm wơ̆t hơduah ĕp kơđi tơlơi, tơdơi kơ mơit glăi kơnuk kơna, kah pơpha pioh či mă bruă, hăng pơđĭ tui tơlơi rơgơi mơ̆ng anom bruă hơduah ĕp kơđi tơlơi; Hră pơtrun pơkă kơ bruă pơgang ba Mơnuih phat kơđi.

Kơ bruă krăo lăng, Jơnum min apăn bruă phun pơ ala mơnuih ƀôn sang dêh čar amra pơgôp hiăp kơ hră lăi pơthâo bruă mă thun 2026, prăp rơmet bruă jŭ yap prăk kăk thun 2027 mơ̆ng Anom bruă jŭ yap prăk kơnuk kơna; sem lăng hră lăi pơthâo bruă pơhmư̆ tơlơi rơkâo mơ̆ng mơnuih ƀôn sang mơ̆ng Ƀirô khua pơ ala mơnuih ƀôn sang rơwang thun 2026-20230, anăp nao truh pơ thun 2035.