Ƀơi mông bưp, dua bơnah pơtŏng glăi tơlơi rô nao rai plah wah Việt Nam - Lao jai hrơi đĭ tui, amăng abih bang bruă; tŭ ư ngă dlăm tui bruă “pơlir hơbit jơlan gah đĭ kyar”, ngă hrŏm pơgang rơnuk rơnua, lŏn ia, laih dong hơmâo tơlơi pơplih amăng bruă bơwih ƀong, sĭ mơdrô hăng tuh pơ alin.

Amăng 7 blan akŏ thun anai, Việt Nam hơmâo 20 kơčăo bruă tuh pơ alin pơ čar Lao, hăng prăk ngă bruă năng blung 638 klăk USD, đĭ 4,2 wơ̆t pơhmu hăng tơđar thun 2025. Dua bơnah tŭ ư pơtrut tui hơdôm bruă akŏ phun, ngă hrŏm gah pơtô hrăm, gru grua, čơkă tuai hyu ngui hăng pơbưp mơnuih ƀôn sang dua bơnah. Amăng tal nao čuă jơmư, Kơ-iăng khua dêh čar ơi Phạm Gia Túc ăt nao sem lăng ring bruă ngă hrŏm ƀơi plơi prong jưh jom Vientiane, amăng anun hơmâo anih wai lăng plơi pla, Sang bruă khua git gai tơhan rơnuk rơnua Ding jum Kông an Lao, Đang bơnga giăng mah Lào - Việt Nam hăng anih či man pơdong Sang hră gưl prong giăng mah Lào - Việt Nam.