Tlam tom brơi (22/9) ƀơi Ƀirô Kơnuk kơna, Khua dêh čar ơi Lê Minh Hưng git gai jơnum hăng Ding jum man pơdong laih dong hơdôm ding jum bơdjơ̆ nao kiăng pel ĕp, pơtrut pơsur pok pơhai hăng jao prăk tuh pơ alin man pơkra hơdôm ring bruă, akŏ bruă phun dêh čar yua gơnong bruă man pơkra jơlan glông wai lăng. Đĭ pơhiăp amăng mông mă bruă, Khua dêh čar ơi Lê Mingh Hưng lăi pơtong, abih tih prăk tuh pơ alin man pơdong hơmâo kah pơpha mă yua man pơkra jơlan glông phun amăng thun 2026 lĕ lu biă mă, truh rơbêh 250.000 klai prăk.

Anai lĕ rơnoh prăk yôm phăn kiăng pok pơhai man pơkra kjăp hăng djơ̆ hrơi mông kiăng pơtrut pơđĭ kyar bơwih ƀong huă-mơnuih mơnam, pơgôp ngă ba glăi tŭ yua hơnong pơkă pơđĭ kyar 2 mrô, prăk tuh pơ alin ba glăi tŭ yua hăng ngă atur kjăp phik brơi pơđĭ kyar bơwih ƀong huă mơnuih mơnam amăng ha rơwang. Lơm hrơi blan dŏ glăi thun 2026 dŏ kơnong ha rơwang đôč, khua dêh čar rơkâo Ding jum man pơdong, Ding jum prăk kak hrŏm hăng djop ƀon lan kiăng gir run hloh, đing nao pơtum pơƀut ngăn rơnoh kiăng ngă tui hơnong pơkă jao prăk tuh pơ alin 100% tui mrô pơkă hơmâo jao.