Bưp ơi Troy Rohrbaugh, Khua phun rŏng lŏn tơnah Sang bruă prăk JPMorgan Chase, Khua git gai Ping gah, Khua mir sir ơi Tô Lâm lăng yôm hơdôm tơlơi pơgôp mơng sang bruă prăk amăng črâo ba, djru brơi Kơnuk kơna hăng anom bơwih ƀong sĭ mơdrô Việt Nam amăng čan prăk bơwih ƀong mơng jar kmar. Khua git gai Ping gah, Khua mir sir rơkâo JPMorgan Chase tŏ tui djru brơi Việt Nam dưi tŭ mă klă hơdôm prăk čan jar kmar, pơlăi nao rai tơlơi găn rơgao amăng pơđĭ kyar bruă prăk kak, wai lăng hnưh đôm hăng djă pioh prăk tač rơngiao.

Tŭ jum ơi Robert Thomson, kơ-iăng Khua pơprong Grup Visa, Khua git gai Ping gah, Khua mir sir ơi Tô Lâm lăng yôm bruă rơbêh 30 thun Visa gum hrŏm hăng anih anom bơwih ƀong ƀơi Việt Nam. Dua bơnah pơlăi nao rai kiăng pơtrut duh prăk mơ-it nao rai, pơplih mrô, pơđĭ kyar bơwih ƀong mrô hăng djru anom bơwih ƀong sĭ mơdrô anet hăng gap ƀrô. Khua git gai Ping gah, Khua mir sir ơi Tô Lâm čang rơmang djop grup bơwih ƀong tŏ tui gum hrŏm, pơgôp pơhưč prăk tuh pơ alin klă hloh, pơtrut pơplih pơčeh phrâo hăng pơplih mrô ƀơi Việt Nam.