Ƀơi mông bưp, Khul khua pơ ala mơnuih ƀôn sang dêh čar tơring čar Lâm Đồng lăi pơthâo glăi hăng mơnuih ƀôn sang kơ bruă hơmâo mơ̆ng Jơnum ƀu tui tơđar lok Sa laih anun him lăng bruă akŏ phun ba jơnum lok 2, Khua pơ ala mơnuih ƀon sang dêh čar; lăi pơthâo bruă pơsir hĭ, pơkra brơi hơdôm tơlơi rơkâo mơ̆ng mơnuih ƀôn sang mơ̆ng hơdôm tal bưp hlâo kơ anun mơ̆ng anom bruă hơmâo jao.

Pơhiăp tom hăng mơnuih ƀôn sang phường Lâm Viên - Đà Lạt, Ding kơna git gai Ping gah, Khua sang phat kơđi Mơnuih ƀôn sang gơnong dlông Nguyễn Văn Quảng lăi glăi hlao mơtăm djŏp tơlơi mơ̆ mơnuih ƀôn sang tơña, rơkâo đĭ. Laih dong pơsit, hơdôm tơlơi pơgôp hiăp mơ̆ng mơnuih ƀon sang amra hơmâo djă pioh čih glăi djŏp, mơit kơ anom bruă dưi lăi glăi, pơsir brơi, biă ñu lĕ Khua mua pơ ala mơnuih ƀôn sang dêh čar ăt krăp lăng mơn hơdôm tơlơi anai./.