Pơsit tong Tơlơi pơkôl pơkă Sang gum hơbit djop dêh čar hăng tơlơi phiăn jar kmar lĕ atur phun ngă hơđong rŏng lŏn tơnah, kiăng pơpŭ djop mơta, mut hrŏm hăng anăm pơčlah, Khua git gai Ping gah, Khua mir sir brơi thâo, djop dêh čar kiăng lăng yôm tơlơi rơngai, ngă pô, rơnuk rơnua lŏn ia hăng tơlơi dưi ruah mă jơlan pơđĭ kyar tơdruă; anăm tek rơwek nao bruă amăng lăm dêh čar pơkŏn, anăm pơhŭi ƀudah mă yua phao kơtuang soh hăng tơlơi phiăn Sang gum hơbit djop dêh čar.

Khua git gai Ping gah, Khua mir sir đăo gơnang hăng sa boh Sang gum hơbit djop dêh čar prong kơtang, Việt Nam amra gum hrŏm pơjing sa rŏng lŏn tơhan rơnuk rơnua, bơkơnar hăng djop mơta hăng hiam klă ƀiă brơi abih bang. Hluai tui tơlơi anun, Việt Nam amra jing sa ding kơna gir ngă bruă, bơnah đăo gơnang hăng sa boh dêh čar thâo glăm ba, amra pơgôp amăng tơlơi gir run hrŏm amăng jar kmar.