VOV.Jarai-Jơnum min mơnuih ƀôn sang tơring čar Gia Lai phrâo hơmâo tơlơi pơtrun kơ brưa man pơdong ring bruă ječ ameč hăng 8 kual plơi pla phrâo hăng 1 akŏ bruă dŏ pơplah kiăng dưm dăp anih dŏ hơđong brơi mơnuih ƀôn sang ƀơi kual ia ling dăo gah Ngŏ tơring čar.

VOV.Jarai-Ƀing khua mua čang rơmang amăng rơwang pơ anăp, Khua pơ ala mơnuih ƀôn sang hăng kơnuk kơna tŏ tui gum hrŏm kjăp phik, hơmâo tơlơi črâo ba rơđah rơđông ƀiă dong amăng pơđĭ kyar lŏn ia.

VOV.Jarai-Ƀơi anăp kơ tơlơi tơnap tap mơng mơnuih ƀôn sang kual ia ling dăo ƀơi tơring čar Khánh Hòa, kông ang tơring čar Lâm Đồng hơmâo pok pơhai tơlơi jak iâu djop anih anom kông ang mơ-it nao mơnuih ƀôn sang kual ia ling dăo giăm 34 tơ̆n añăm tam, hơbơi pơtơi, boh troh djop mơta.

VOV.Jarai-Mơguah tom brơi (3/12), kơ-iăng Khua dêh čar ơi Mai Văn Chính hrŏm hăng grup hyu mă bruă gơnong lông nao ngă lơphet pơphun “Hơdră ngă bruă tui Quang Trung” ječ ameč man pơdong, pơkra ming sang dŏ brơi hơdôm boh sang anŏ hơmâo sang răm rai, sang glưh yua hơjan ia ling dăo ƀơi tơring čar Lâm Đồng.

VOV.Jarai-Khua git gai Ping gah dêh čar ơi Tô Lâm hăng bơnai ñu yă Ngô Phương Ly hrŏm hăng khua mua pơprong mơng dêh čar Việt Nam hơmâo glăi truh laih pơ Hà Nội, pơđut hĭ hiam klă klă tal nao čuă gưl kơnuk kơna pơ dêh čar Lao.

VOV.Jarai - Tom brơi (lơ 2/12), Khul git gai bruă ruah khua tơring čar Dak Lăk pơphun jơnum lăi pơthâo pok pơhai bruă ruah khua pơ ala mơnuih ƀôn sang dêh čar tal 16 hăng khua mua pơ ala mơnuih ƀôn sang djŏp gưl, rơwang thun 2026-2031.

VOV.Jarai - Ƀơi kual lŏn gah Yŭ Gia Lai, anih giăm 90 km jơlan guai hăng dêh čar kur, hơmâo sa čô mơnuih đah rơkơi pioh abih tơlơi hơdip ñu či wai lăng jơlan guai Lŏn ia. Rơbêh ha mơkrah rơnuk thun hơdip hăng glai rưng Ia O, tha plơi Ksor Bơng dŏ pơ plơi Bi ăt kret kruai ngă bruă kah hăng “gong tơmeh hơdip”, nao pơ adih akŏ phun hrŏm hăng ling tơhan pơgang guai djă bong mơ̆ng ha tơgam lŏn tơnah dêh čar ta.

VOV.Jarai - Amăng tal nao čuă gưl Kơnuk kơna pơ dêh čar Lao mơ̆ng Khua git gai Ping gah ơi Tô Lâm, tlam lơ 2/12, ƀơi plơi prong jưh jom Viên Chăn pơphun Jơnum khua mua pơprong plah wah Ping gah Cộng sản Việt Nam hăng Ping gah Mơnuih ƀôn sang ngă hơkrŭ dêh čar Lao, yua Khua git gai Ping gah ơi Tô Lâm hăng Khua git gai Ping gah, Khua mir sir dêh čar Lao ơi Thongloun Sisoulith gum git gai.

VOV.Jarai-Tom brơi (2/12), ƀơi Ƀirô mă bruă, Khua git gai pơ ala mơnuih ƀôn sang dêh čar ơi Trần Thanh Mẫn tŭ jum Kơ-iăng Khua git gai tal I khul pơlir ala čar Khua pơ ala mơnuih ƀôn sang dêh čar Nga, Khua grup ngă hrŏm hăng dêh čar Việt Nam mơng Khul ala čar A.V Yatskin ƀrô tal rai mă bruă pơ dêh čar Việt Nam.

VOV.Jarai - Khua dêh čar kiăng Ping gah Kơnuk kơna ăt lăng bruă pơgăn hưp ƀong kông ngăn jing bruă yom phun, nao hrŏm hăng akŏ pơjing, pơplih klă tui Ping gah