VOV.Jarai-Kơnôl 27/7, ƀơi sang bruă ping gah dêh čar, ơi Tô Lâm, khua ping gah, khua mir sir dêh čar ta mă bruă hăng khua mua ping gah amăng anom bruă sem kơđi bruă mă kơnuk kơna dêh čar.

VOV.Jarai-Jơnum ngui sầu riêng tơring čar Dak Lak tal I amra pơphun dong mơng kơnôl 15/8 truh kơnôl 2/9 hăng hơdôm bruă mă tui gru grua, tuai čuă ngui, pơsur sĭ mơdrô hăng pơlir blơi pơhrui gơnam đang hmua. Ƀu djơ̆ kơnong pơpŭ kơ gơnong bruă pơhrui hơdôm klai đôlar Mi, jơnum ngui ăt lĕ hrơi mông kiăng lăi pơthâo gru grua yôm phara kual Dap kơdư, pok prong tơlơi dưi pơhưč tuh pơ alin hăng ba anăn apăn sầu riêng Dak Lak tơbiă hyu gah rơngiao.

VOV.Jarai-Tlam mơmŏt kơnôl 27/07, ƀơi Đà Lạt, Jơnum min mơnuih ƀôn sang tơring čar Lâm Đồng pơphun jơnum kiăng pơtrut bruă mă yua prăk čan tuh pơ alin kơ bruă čar thun 2026 hăng lăi pơthâo tong ten hloh djop bruă mă phun amăng thun blan pơ anăp.

VOV.Jarai - Jơnum min apăn bruă phun pơ ala mơnuih ƀôn sang dêh čar pơgôp hiăp hăng Hră pơthâo mơ̆ng Kơnuk kơna kơ Tơlơi pơkă jơlan gah ngă bruă, hơdră djru phara hăng anih man pơdong plơi prong trun pơ ia rơsĭ ƀơi ƀôn prong Đà Nẵng.

VOV.Jarai-Jơnum min mơnuih ƀôn sang tơring čar Dak Lak phrâo ngă Hră pơtrun kơ bruă pok pơhai lông ngă lăng tơlơi phiăn “Glông mơtah” amăng bruă ngă hră pơar prăp lui tuh pơ alin djop kơčăo bruă pơblih yua mrô gah bruă tuh pơ alin pơđĭ kyar amăng tơring čar .

VOV. Jarai- Ƀơi să Ia Tul, tơring čar Gia Lai pơphun ba yua Kơčăo bruă pơdong plơi phrâo dŏ hơđong dong kơjăp đuăi mơ̆ng anih juăt hơmâo tơlơi truh ia ling dăo ngă. Laih ngă giong kơčăo bruă anai, amra djru brơi rơbêh 200 boh sang  anŏ mơnuih ƀôn sang amăng plơi pla juăt hơmâo tơlơi truh ia ling dăo, dŏ ƀơi plơi phrâo hơđong hloh.

VOV. Jarai- Mơguah kơnôl 26/7, ƀơi sang măi pơkra hơbâo pruai hăng pơkra rai eh pơsơi ñôm Dak Nông, ƀut tuh tia pơkra ming sang măi Nhân Cơ, să Nhân Cơ, tơring čar Lâm Đồng jơnum pôr pơthâo gơnam pơkra jing tơlô̆ pơsơi ñôm blung a yua Việt Nam pơjing.

VOV.Jarai-Hơdor glăi tal 79 thun Hrơi pioh kơ tơhan rơka rơkač-pơsăn drơi jăn yua kơ lŏn ia, kơnôl 26/7, ƀơi ƀôn prong Hồ Chí Minh, ơi Trần Thanh Mẫn, Khua pơ ala mơnuih ƀôn sang dêh čar nao tŭi ñăng, dưm guang bơnga ƀơi Gong kut hơdor glăi kơ Khua git gai ping gah hơđăp rơgom ơi Trần Phú, sang djă pioh pơnăng čih anăn, bruă ngă mơ̆ng ƀing tơhan khin hơtai djai pơsăn drơi yua kơ lŏn ia, sang djă pioh hơbâo, tơlang tơleh ƀing tơhan pơsăn drơi, anih h’ŭ kơ mơnuih khin hơtai djai drơi yua kơ lŏn ia rơgŏm Lê Thị Riêng.

VOV.Jarai-Mơmŏt kơnôl 26/7, pơphun mông pơdah rup “Boh pơtŭ ba jơlan hlâo” ƀrô tal hơdor glăi 79 thun hrơi tơhan rơka-tơhan djai pơsăn drơi (27/7/1947-27/7/2026).

VOV.Jarai-Tŭ ư tơlơi jak iâu mơ̆ng Khua git gai pơ ala mơnuih ƀôn sang Việt Nam ơi Trần Thanh Mẫn, khua pơ ala mơnuih ƀôn sang dêh čar Kur, yă Samdech Khuon Sudary, ba jơlan hlâo khul khua mua pơ ala mơnuih ƀôn sang dêh čar Kur, rai čuă jơmư sit nik Việt Nam mơ̆ng kơnôl 27 truh kơnôl 29/7/2026.