Boh tơhnal ƀuh rơđah mơ̆ng pơblih yua mrô hlom bom hrơi blan rơgao jing ba yua bơnah ia rơgơi VneID hăng atur mrô mơnuih ƀôn sang, plơi pla anih dŏ hơmâo pơmut hrŏm 8 mơta tơlơi pơhing, hră pơar hăng 18 klăk anăn ĕp lăng djă pioh mrô mơnuih mơnam tŭ mă tơlơi djru; 25 klăk hră pơar dưi mơgăt rơdêh….

Pơmut hrŏm sa hnơ̆ng 148 klăk mrô telephôn apah yua amăng măi djă hyu, pơmut amăng atur djă pioh dêh čar sem lăng mrô mơnuih ƀôn sang, djru pơgăn hĭ sim djah hăng ƀing soh sat hneč mă amăng bruă dăng kông. Mrô mơnuih ping gah ăt hơmâo pơmut wai lăng 5,3 klăk hră anăn pô. Rơnoh bruă sĭ mơdrô hăng tač rơngiao, gơnam pơkra ming boh thâo ia rơgơi phrâo truh 54% amăng rơnoh pơhrui glăi gơnam tam sĭ mơdrô hăng tač rơngiao. Klah čun ƀơi mông jơnum, Khua dêh čar ơi Lê Minh Hưng pơtrun hiăp djop ding jum, anom bruă, tơring čar, plơi pla khom pơđĭ tui pran jua mă bruă, glăm ba mơ̆ng mơnuih ngă khua apăn akŏ, pơsir khut khăt ngă giong bruă jao, ngă pơrơgoh mrô pơmut djop amăng plang git gai wai lăng gưl dêh čar, pioh djru mơnuih ƀôn sang, sang bruă mơdrô tŭ yua hloh. Djop tơring čar, plơi pla pơsir hĭ anŏ dŏ kơƀah, tơlơi pơkă, hră pơtrun, anih mă bruă hăng apah anih mă bruă kiăng djru sang bruă mơdrô kơsem min boh thâo ia rơgơi, pơphun bruă mă, pơčeh ia rơgơi tơlơi kơhnâo pioh sĭ mơdrô gơnam pơkra ming ƀơi tơring čar, plơi pla mơtam.