Tơdơi kơ pơmut hrŏm, Khul djŏp anom bruă giăng mah tơring čar Dak Lăk prăp rơmet, ruah djŏp laih mơnuih mă bruă, glăk hơmâo 9 khul ding kơna. Hrŏm hăng pơphun bơbưp na nao, Khul pơsit bruă akŏ phun amăng rơwang bruă phrâo lĕ pok prong ngă hrŏm jar kmar, pơtruh nao rai, iâu pơthưr hơmâo khul grup djru prăk kăk lăp djơ̆ hăng tơlơi kiăng đĭ kyar mơ̆ng tơring čar laih anun pơđĭ tui boh tŭ yua bruă mă mơ̆ng ding kơna.

Thun blan rơgao, hơdôm khul grup jơnum bơbưp hăng mơnuih ƀôn sang Lao, Kur, Japan, Hàn Quốc, India hăng lu dêh čar ngă gŏp pơkŏn dong. Hơdôm bruă anai kiăng thâo hluh tơdruă, thâo khăp ƀu-eng plah wah mơnuih ƀôn sang Dak Lăk, Phú Yên hăng djŏp dêh čar; amăng anun, rô nao rai hăng tơring čar Mondulkiri dêh čar Kur djru akŏ pơjing guai lŏn ia rơnuk rơnua. Thun anai, khul hơmâo ngă hrŏm pok pơhai, pơgiong hĭ 8 mơta prăk djru ječ ameč tơdơi kơ hơmâo tơlơi truh hơjan kơthel ia dăo mơ̆ng hơdôm anom bruă mơ̆ng čar rơngiao, hăng prăk djru rơbêh kơ 56 klai prăk./.