Lâm Đồng pơčrông sai kơ bruă pơsir hĭ tơlơi gum brơi bruă bơwih ƀong mơnuih ƀôn sang ngă pô
Thứ tư, 10:55, 30/09/2026
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV.Jarai-Tlam kơnôl 29/9, ƀơi Lâm Đồng pơphun Mông pơčrông sai dong amăng Jơnum bơwih ƀong huă mơnuih ƀôn sang ngă pô Việt Nam thun 2026, hăng anăn “Bơwih ƀong mơnuih ƀôn sang ngă pô Việt Nam: Pơplih tơhnal pơkă-Pơmut hrŏm kơnuk kơna hăng mơnuih ƀôn sang”.
Ƀing khua mua đing nao sem lăng, pơsir hĭ hơdôm tơlơi gun kơ prăk kak, ngă pơ-ar, lŏn mơnai hăng dưm dăp man pơdong, ngă pơtrut brơi tơlơi bơwih ƀong mơnuih ƀôn sang ngă pô pơđĭ kyar. Tơdơi kơ pơmut hrŏm, Lâm Đồng hơmâo giăm 35.600 anom bơwih ƀong sĭ mơdrô glăk mă bruă hăng rơbêh 190.000 boh sang anŏ. Amăng 6 blan akŏ thun, GRDP amăng tơring čar đĭ 7,97%, pơhrui ngăn drăp truh 18.600 klai prăk.
Amăng mông jơnum, Kơ-iăng Khua Jơnum min mơnuih ƀon sang tơring čar Lâm Đồng Nguyễn Minh lăi pơtong tơlơi kiăng amăng kơtưn gum hrŏm kơplah wai gong gai, grup čan prăk hăng anom bơwih ƀong sĭ mơdrô, laih dong tŏ tui pơplih tuh pơ alin, ngă hră pơ-ar. Hơdôm tơlơi pơgôp hiăp ăt rơkâo hrưn đĭ amăng wai lăng, rơđah rơđông prăk kak hăng kơtưn pơlir hơbit.
Viết bình luận