Akŏ bruă anai kiăng ƀơƀrư̆ pơkra ming tong krah Hoàng Thành Thăng Long, laih dong djă poh hăng tŏ tui hơdôm gru grua sô hơđăp mơng anih răk pioh gơnam sô hơđăp rŏng lŏn tơnah. Điện Kính Thiên juăt jing anih phun amăng Cấm thành Thăng Long. Anai lĕ anih ngă bruă phun hăng anih ngă yang amăng sang pơtao, anai lĕ anih jơnum pơƀut, ngă yang prong hăng čơkă tuai, jing anih yôm hloh amăng dêh čar Đại Việt găn rơgao mơng rơnuk thun tal 15-18.

Akŏ bruă pơkra ming, rŭ glăi  hơmâo man pơkra hluai tui 15 thun kơsem min pơlir djop gơnong bruă gru grua sô hơđăp, klơi rŭ gơnam sô hơđăp, man pơdong sang hăng djă pioh gru grua gah bơngăt, hrŏm hăng tơlơi črâo ba mơng UNESCO hăng ICOMOS. Ƀôn prong Hà Nội rơkâo bruă djă pioh, pơkra ming, rŭ glăi kiăng hluai tui atur phun, pơpŭ hơdôm anŏ sô hơđăp hăng wai pơgang hơdôm gơnam hơđăp hơmâo ĕp ƀuh. Akŏ bruă anai hơmâo pơsit lĕ tơlơi yak nao blung a yôm phăn bă mă amăng bruă pơkra ming anih phun Hoàng Thành Thăng Long truh thun 2035, pơgôp ba hơdôm rơnoh yôm gru grua tơl giăm mơnuih ƀôn sang hăng tuai rơnguai.