Khua ping gah, khua mir sir ơi Tô Lâm lăi rơđah, jơlan hơdră brơi mơnuih ping gah dưi bơwih ƀong huă amăng sang bruă yua mơnuih ƀôn sang ngă pô jing boh tơhnal mơ̆ng bruă pơblih tơlơi pơmin phrâo, pơƀut bruă mă găn rơgao hơmâo sit nik hăng pơđĭ kyar tơlơi pơtô djơ̆ dăp lui hơdră mơ̆ng ping gah.

Yua kơ anun, hơdôm tơlơi phiăn phrâo khom djă pioh tơlơi pơkă djơ̆ lăp hăng pơsir hĭ hơdôm tơlơi phrâo kơ bruă ngă pô, pơphun pơkra ming, pơpha hyu hăng glăm ba bruă mă mơ̆ng mơnuih ping gah amăng atur tơlơi bơwih ƀong huă kiăo tui bruă sĭ mơdrô anăp mơnuih mơnam ngă pô. Khua ping gah, khua mir sir pơtrun hiăp, djop mơta hră pơtrun phrâo djru kơ mơnuih ping gah kiăng hơđong pran jua mă bruă, pơyơr tơlơi thâo amăng bruă sĭ mơdrô djơ̆ tơlơi phiăn; djru kơ anom bruă ping gah dưi wai lăng tong ten tŭ yua; djru mơnuih ƀôn sang, sang bruă mơdrô h’ĭn hloh kơ bruă ngă bơkơnar laih anun tơlơi tơpă hnơ̆ng amăng sang bruă kơnuk kơna. Hơdôm tơlơi pơkă phrâo khom lir hơbit hăng bruă ngă tui Hră pơčrâo mrô 12 kơ akŏ pơdong ping gah amăng sang bruă mơdrô yua mơnuih ƀôn sang ngă pô. Kiăng pơmut mơnuih ping gah amăng sang bruă mơdrô mă bruă tơpă hiam, laih dơ̆ng đing nao kơ ƀing kông ñơn thâo bruă, kơhnăk, ƀing kơsem min ia rơgơi hăng mơnuih mă bruă apah hur har tơpă hnơ̆ng.