Ƀơi mông jơnum, ơi Lương Nguyễn Minh Triết, Khua ping gah tơring čar Dak Lăk lăi: bruă ruah khua jing bruă kơđi čar yom biă mă, hơmâo pok pơhai amăng hrơi mông abih bang Ping gah, mơnuih ƀôn sang hok mơak tơdơi kơ mông Jơnum ruah khua ping gah dêh čar tal 14 hăng prăp či čơkă Tê̆t Bính Ngọ 2026.

Djŏp gưl ping gah, gong gai, anom bruă kơnuk kơna hăng plơi pla kiăng pơtrut tui pran jua ngă bruă, prăp rơmet hlâo, kiăo tui hăng akŏ bruă, pơhlom ngă djơ̆ hrơi pơkă, anŏ klă, hăng djơ̆ tơlơi pơtrun. Bruă pôr pơthâo kơ bruă ruah khua hơmâo ngă kơtang hloh dong, kiăng pơđĭ tui tơlơi thâo pơmin mơ̆ng ƀing khua, mơnuih ping gah hăng mơnuih ƀôn sang kơ tơlơi dưi ngă pô, bruă kiăng ngă mơ̆ng mơnuih nao plĕ hră, ngă brơi hrơi jơnum jing dik dak mơak hloh, čơkă hrơi mơak prong mơ̆ng lŏn ia ta.