Khua mir sir lăi pơtong, dua bơnah pơsit pơđĭ tui tơlơi ngă giăng mah jing bơnah ngă hrŏm tong ten yom hloh, jing rơnoh ngă giăng mah prong hloh, kiăng lăi tơlơi pơpŭ hăng bruă kơđi čar dua bơnah ngă pŭ ƀăn hiam klă plah wah Việt Nam-EU, jing hĭ gru hiam ba jơlan hlâo pioh ngă hrŏm.

Khua khul Mi kô̆, ơi Antonio Costa bơni biă mă bruă pơđĭ tui rơnoh ngă giăng mah yom pơphăn plah wah EU hăng Việt Nam jing bơnah ngă hrŏm hlom bom, sa tơlơi pơsit yom aka ƀu hơmâo djơ̆ ôh amăng gru phun, laih dơ̆ng  pơdah rai bruă ngă sui thun, anăp nao bruă kơñ pơgi kơ dua bơnah. Hră pơkôl pơkă anai pơƀut lu mơta anŏ hiam bruă mă amăng 35 thun ngă hrŏm tong ten, kơjăp phik, lăi nao sa črăn jơlan pơđĭ kyar phrâo laih anun tơlơi ƀuăn hrŏm yua kiăng rơnuk rơnua, hođong, pơdrong sah.