Ngă tui tơlơi pơtă pơtăn mơ̆ng Wa, Khua git gai ping gah ơi Tô Lâm hăng ƀing khua ƀuăn gum pơgôp pơlir jing sa, ha pran jua, mơneč mă tơlơi gêh găl, tơlơi hơmâo, pơtrut tui klă djŏp tơlơi hơmâo kiăng dưi ngă tui hơnong pơkă đĭ kyar abih bang hlom bom, kjăp kơtang, pơplih phrâo, ba lŏn ia mut amăng rơnuk đĭ kyar phrâo - rơnuk hrưn đĭ drơi pô mơ̆ng djuai ania Việt Nam; ƀuăn hrăm tui na nao, hla tui tơlơi pơmin, pran jua, kơnuih hiam mơ̆ng Wa Hồ.

Čih amăng hră hơdor pioh lơ̆m nao pơ anai, Khua git gai ping gah ơi Tô Lâm čih: “Tui kơnuih Wa, ƀing gơmơi jing ană tơčô ih, ƀuăn khŏm lăng tơlơi klă hiam kơ Lŏn ia hăng Mơnuih ƀôn sang yơh phun, bong kjăp khul gum pơgôp djuai ania, mă bruă tui tơlơi phiăn, tơpă sit, hiăp lĕ khŏm ngă, jê̆ giăm mơnuih ƀôn sang, lăng yom pơpŭ kơ mơnuih ƀôn sang, yua kơ mơnuih ƀôn sang. Ƀơi anăp bơngăt Wa, ƀing gơmơi ƀuăn amra kjăp pran jua kiăo tui jơlan mơ̆ Wa hăng Ping gah ruah mă, lăng glăi na nao, ƀư̆ pơkra mă tơlơi aka ƀu djơ̆, tuh rơyuh pran jua, bơwih brơi Lŏn ia, bơwih brơi Mơnuih ƀôn sang, gir akŏ pơdong lŏn ia ta pơdrong sah, kơtang, mơnuih ƀôn sang trơi pơđao, yâo mơak”./.