Pơhiăp git gai mông jơnum, Khua git gai Ping gah ơi Tô Lâm lăi dlăm, amăng rơwang bruă rơgao, bruă akŏ pơdong, pơplih glăi Ping gah hơmâo pok pơhai khut khăt, abih bang, pơplih phrâo, djru pơđĭ tui tơlơi rơgơi git gai črâo bruă hăng pran blah ngă mơ̆ng Ping gah.

Hơdôm thun rơgao, Ding jum kơđi čar, Khul khua git gai Ping gah hăng ping gah djŏp gưl nao pel ĕp rơbêh 232 rơbâo grup ping gah hăng rơbêh 1,2 klăk čô ping gah; pơtum glăi 545 grup ping gah hăng 4.213 čô ping gah ngă soh. Kiăng pơđĭ tui boh tŭ yua bruă mă amăng rơwang pơ anăp, Khua git gai Ping gah kiăng djŏp gưl ping gah, anom bruă ping gah, jơnum min pel ĕp pơƀut ngă klă 5 bruă mă yom phun, amăng anun gơñăm kiăng mă bruă klă, tŭ yua bruă pel ĕp, krăo lăng mơ̆ng rim grup ping gah, pơhlôm djơ̆ tơlơi phiăn, djơ̆ hrŏm ha amăng plĕ, bơkơnar, mă bruă tơpă sit, kjăp kơtang mơ̆ng Ping gah.