Hrơi blan rơgao, Ping gah Khul tơhan tơring čar Dak lăk git gai tơhan blah ngă dưi ngă truh kih djŏp bruă hơmâo jao; pơčrâo bruă brơi kơ Ping gah, Jơnum min mơnuih ƀôn sang tơring čar git gai bruă pơgang lŏn ia, bruă ling tơhan amăng tơring čar hăng bruă pơgang lŏn ia; pơtŏp hrăm kual pơgang hlom hlâo tơlơi truh tơring čar laih anun git gai hơdôm boh să, phường pơtŏp tui hăng hơnong pơkă.

Amăng “Bruă mă 500 hrơi mlăm”, Grup K51, Sang bruă khua tơhan tơring čar Dak Lăk ngă hrŏm hăng khul tơhan amăng dêh čar hăng dêh čar Kur, hyu ĕp, kuai rŭ đĭ 36 per tơlang tơhan djai drơi kơ lŏn ia. Amăng anun, 23 per tơlang tơhan hơmâo ĕp ƀuh, rŭ đĭ ƀơi tơring čar; 13 per tơlang hơmâo ƀuh, rŭ đĭ ƀơi čar Kur. Pơhiăp ƀơi mông jơnum, ơi Lương Nguyễn Minh Triết, Ding kơna git gai ping gah, Khua ping gah tơring čar, Khua ping gah Khul tơhan tơring čar Dak Lăk lăi, ăt kiăng ngă khut khăt hloh Bruă mă 500 hrơi mlăm hyu ĕp, kuai rŭ tơlang hăng pơsit anăn krăn pô tơhan djai drơi kơ lŏn ia./.