Khua ping gah, khua mir sir lăi pơtong, bruă mă gah tơlơi pơmin, khom sem nao mơ̆ng bruă mă sit nik rim hrơi, amăng anun tơlơi pơhing kơ tơlơi hơdip mơda mơnuih mơnam khom ĕp truh tơl, anih hơmâo tơlơi dưi pơtrun hăng pơtrut brơi pơsir hơdôm tơlơi hơmâo. Kiăng akŏ pơjing mông pơđing hmư̆, pơtong rơđah, pơblang tong ten, mơ-it nao djơ̆ sang bruă hơmâo tơlơi dưi pơsir, lăi glăi hăng ĕp glăi boh tơhnal pơsir; tơlơi pơhing amăng tơlơi pơmin, pran jua mơnuih mơnam dêh čar khom pơdjơ̆ nao hăng ngă hră pơtrun.

Khua ping gah, Khua mir sir pơtrun hiăp brơi ba bruă pioh mông pơđing hmư̆ hăng pơblang glăi abih bruă ngă hrŏm pơsir tơlơi hơmâo, ngă hơdră pơtrun prong; pôr pơthâo jơlan hơdră kơnang kơ tơlơi hơmâo sit nik, djơ̆ tơpă, pôr tơlơi pơhing ăt djơ̆ tong mơ̆n, pơhaih rơđah anŏ gêh găl, tơnap tap hăng anŏ bơbeč djơ̆ khom lăi pơthâo djop. Sang bruă čih pơkra jơlan hơdră hră pơtrun khom gơgrong ba anŏ tŭ yua klă, jơlan hơdră pơtrun hăng ngă tui, laih dơ̆ng prăp lui pôr tơlơi pơhing, pơblang tong ten hăng tŭ mă tơlơi lăi glăi. Khua ping gah, khua mir sir ăt rơkâo djop sang bruă čih tơlơi pơhing khom pơđĭ tui tơlơi pơhing pơblang rơđah, ƀuh tañ hơdôm tơlơi hơmâo laih anun kơtưn nao giăm mơnuih ƀôn sang, biă mă ñu ƀing hlăk ai.