Khua pơ ala mơnuih ƀôn sang dêh čar ơi Trần Thanh Mẫn jơnum hrŏm hrơi hơdor glăi 150 thun Hrơi tơkeng rơgŏm ơi Huỳnh Thúc Kháng
Thứ sáu, 10:38, 02/10/2026
VOV/Siu H'Mai pơblang
VOV/Siu H'Mai pơblang
VOV.Jarai - Mơguah kơnôl 1/10, ƀơi ƀôn prong Đà Nẵng, Khua pơ ala mơnuih ƀôn sang dêh čar ơi Trần Thanh Mẫn pơhmư̆ tom mông ngă lơphet hơdor glăi 150 thun hrơi tơkeng rai rơgŏm ơi Huỳnh Thúc Kháng (kơnôl 1/10/1876-1/10/2026), jing mơnuih kơhnăk, rơgơi mơbruă, sa čô mơnuih khăp kơ lŏn ia, pran jua kjăp hăng kơnuk kơna, jing sa čô mơnuih kơhnăk gru grua prong biă, kơnuih mơnuih hơdip hiam, thâo pơmin, jing Khua jăng jai mơ̆ng dêh čar Việt Nam Dân chủ Cộng hòa.
Pơhiăp ƀơi mông ngă lơphet, Khua pơ ala mơnuih ƀôn sang dêh čar ơi Trần Thanh Mẫn lăi dlăm, anŏ yom prong hloh mơ̆ng bruă hơdor 150 thun hrơi tơkeng ơi Huỳnh Thúc Kháng ƀu kơnong či pơpŭ kơ sa čô mơnuih rơgơi kơhnăk mơ̆ng đưm đôč ôh, ăt pơƀuh tơlơi gơgrong bruă mơ̆ng mông anai wơ̆t hăng pơ anăp adih.
Abih bang ping gah, mơnuih ƀôn sang, ling tơhan amra pơtrut tui pran jua gum pơgôp, gơgrong mă pô, thâo kơtưn, hrưn đĭ pơ anăp; gir ngă truh kih djŏp Hră pơtrun jơnum ping gah dêh čar tal 14, akŏ pơdong lŏn ia jai hrơi pơdrong sah, kjăp kơtang, hơdip jơnap, yâo mơak./.
Viết bình luận