Ƀơi mông jơnum, Khua dêh čar ơi Lê Minh Hưng lăi pơtong, boh tơhnal bruă mă yơh anŏ gơgrong ngă kơnôl yom pioh dăp bruă, jao bruă, pơblih anih mă bruă, ruah pơhrăm hlâo či pơđĭ bruă ƀing khua mua pơprong amăng kơnuk kơna, boh nik ñu pơtong glăi boh tơhnal ngă tui bruă jao; khom khut khăt pơsir hĭ tơlơi hơmâo ngă tŭ bơkơnar đôč, bĕ hĭ sit tơlơi ƀu djơ̆, bơjang nao rai hăng hŭi ƀu khin glăm ba amăng bruă mă.

Ƀơi mông jơnum, khua mua git gai ping gah amăng kơnuk kơna hơmâo pơčrong sai, plĕ hră tŭ ư dăp hnơ̆ng tŭ yua bruă mă Klâo blan tal III/2026 hăng ƀing ding kơna Jơnum min apăn bruă phun ping gah amăng kơnuk kơna, tui tơlơi pơtong glăi bruă jao ngă, yua anom bruă ping gah kơnuk kơna wai lăng, hơmâo: Kơ-iăng khua ping gah, ding kơna Jơnum min apăn bruă phun ping gah kơnuk kơna; khua khul, kơ-iăng khua khul tơdăm dra mut phung amăng kơnuk kơna; ding kơna Jơnum min ĕp kơđi amăng bruă mă ping gah kơnuk kơna.