Yap truh abih blan 9 laih rơgao, rơnoh prăk tuh pơ alin kơ bruă čar thun 2026 mơ̆ng tơring čar Lâm Đồng kiah dưi ngă 55% akŏ bruă. Phun ñu kaih ba yua prăk anun lĕ, Jơnum min mơnuih ƀôn sang tơring čar Lâm Đồng hơmâo pơtong laih, yua bruă pơphun ngă tui, amăng anun tơlơi gun prong hloh lĕ pơklaih ala lơ̆n, duh glăi lơ̆n či čuk pơkra. Amăng 3 blan rơnuč thun, rơnoh prăk mơ̆ tơring čar Lâm Đồng kiăng khom mă yua lĕ giăm 10.500 klai prăk.

Hơdră mơ̆ tơring čar ba tơbiă lĕ, pơtrut pơsur lu sang bruă man pơdong, sĭ mơdrô; sang bruă pơpă ngă giong duh glăi lơ̆n sang đang hmua dơ̆ pă man pơkra dơ̆ anun; amra lui hră pơkôl ngă bruă, lăi pơthâo anăn amăng tơlơi pơhing plang internet gưl dêh čar hơdôm sang bruă ngă bruă tơdu. Ơi Hồ Văn Mười, Khua Jơnum min mơnuih ƀôn sang tơring čar Lâm Đồng, brơi thâo, amra pơblih bruă mă ƀing khua mua apăn bruă ƀơi să tơdah lui ngă bruă kaih čuk pơdăo, duh glăi lơ̆n sang đang hmua hăng hrơi blan pơkă tuč rơnuč pioh kơ djop să, plơi pla hơmâo kơčăo bruă dưi pơklaih ala lơ̆n truh kơnôl 30/10 anai khom giong.