Ƀơi mông jơnum, mơnuih ruah khua rơkâo, lăi nao hơdôm tơlơi bơwih brơi bruă mă, tơlơi hơdip mơda kơ mơnuih ƀôn sang, jơlan glông hăng pơsir bruă mă. Amăng anun, kiăng tañ pơsir hĭ čuk pơkra glăi jơlan nao rai răm kơtang, ia ling dăo ngă ƀơi jơlan prong mrô 1, črăn găn nao pơ phường Bình Kiến; tuh pơ alin man pơkra glăi sang jơnum plơi hăng ring bruă pơdong sang pioh mơnuih ƀôn sang dŏ kơđap amăng mông ia lip prong hăng lu plơi pla, anih dăo lơ̆n plung dơnung juăt ia lip ngă.

Mơnuih ruah khua ăt rơkâo đing nao kơ hơdră djru, jơlan hơdră kơnuk kơna pioh kơ mơnuih apăn bruă ngă khua ƀơi plơi pla hăng mơnuih tha rơma. Klah čun ƀơi mông jơnum, ơi Nguyễn Thanh Nghị čih pioh hơdôm tơlơi rơkâo mơ̆ng mơnuih ruah khua, mơ̆ng anun, rơkâo khua mua gong gai plơi pla, amăng tơlơi dưi brơi pơsir hmao kru. Hơdôm mơta tơlơi prong rơgao hăng tơlơi dưi pơsir, čih pioh  pơƀut hĭ, mơ-it kơ sang bruă hơmâo tơlơi dưi hloh, sem glăi hăng pơsir. Grup khua mua pơ ala mơnuih ƀôn sang dêh čar, tơring čar Dak Lak khom krăp lăng, djop bruă mă, pơsir tơlơi rơkâo mơ̆ng mơnuih ƀôn sang ruah khua, dưi pơsir hiư̆m pă kiăng djơ̆ lăp, tañ lăi glăi kơ mơnuih ƀôn sang.